هوية الشركات الناشئة والتقنية في السعودية
عندك منتج زين وما أحد فاهم وش يسوي من أول نظرة؟ نبني لك هوية خفيفة وواضحة تشتغل في التطبيق والموقع وقدام المستثمر، وتكبر معك. مثال الصفحة من مشروع مساعد.
هوية الشركة الناشئة التقنية هي الاسم والشعار والنظام البصري الذي يظهر به المنتج في التطبيق والموقع ومتجر التطبيقات والعرض التقديمي للمستثمرين. تختلف عن هويات القطاعات الأخرى في أن المنتج الرقمي نفسه هو نقطة التلامس الأهم، لذلك يجب أن تعمل الألوان والخطوط داخل واجهات الاستخدام لا على الملصقات فقط. صمم استوديو محي حسن هويات منصات مثل BARU السعودية وMr Mandoob، ويصمم الهوية وواجهات التطبيق من فريق واحد.
وش يحكم عليه المستخدم والمستثمر أول؟
المستخدم يشوف أيقونة في المتجر وصور شاشات، ويقرر ينزل التطبيق أو لا خلال ثواني. المستثمر يشوف العرض التقديمي والموقع، ويسأل نفسه: هل الفريق هذا جاد؟ الاثنين يبون نفس الشي بالضبط: يفهمون وش تسوي، ويحسون إن وراه شركة حقيقية.
في السعودية المستخدم متعوّد على تجارب رقمية مرتبة، من أبشر ونفاذ للتطبيقات البنكية. فالمعيار عالي، والتطبيق اللي يبان مستعجل يفقد الثقة بسرعة، خصوصًا لو فيه دفع أو بيانات شخصية.
المنتج نفسه هو الهوية
هذا الفرق الأكبر بين الشركات التقنية وباقي القطاعات. المستخدم يقضي وقته داخل التطبيق، مو قدام الشعار. فلو الهوية انصممت بمعزل عن الواجهات، بتلقى اللون الرئيسي ما ينفع للأزرار، والخط العربي ما ينقرأ بحجم صغير، والمبرمج يختار ألوان من عنده. بعد سنة عندك علامتين: وحدة في العرض التقديمي ووحدة في التطبيق.
عشان كذا نصمم الهوية والـ واجهات بنفس الفريق، ونسلّم الألوان والخطوط والمسافات كقيم جاهزة يستخدمها فريق التطوير مباشرة.
نقاط التلامس لشركة ناشئة
أيقونة التطبيق وصور المتجر. شاشة البداية وحركة التحميل. الموقع أو صفحة الهبوط. العرض التقديمي للمستثمرين. رسائل الإيميل والإشعارات. السوشيال. وجناح المعارض والفعاليات التقنية لو بتشارك. ما تحتاج كلها من أول يوم، بس تحتاج نظام يقدر يوصلها كلها بدون ما تعيد الشغل.
كم هوية تحتاج فعلًا في البداية؟
أقل مما تتوقع. نصيحتنا للشركات اللي لسه تجرب السوق: اسم قوي، شعار بسيط، لون رئيسي ولونين مساعدة، خط عربي وإنجليزي، وقواعد أساسية للواجهات. هذا يكفيك لين تلقى مكانك في السوق. بعدها، لما يكبر الفريق وتبدأ تسويق جدي، توسّع النظام بدليل كامل ورسومات وحركة.
اللي ما ننصح فيه: تصرف ميزانية المنتج على هوية ضخمة والمنتج نفسه لسه ما تثبّت.
أخطاء شائعة
- اسم إنجليزي حلو، بس الدومين مأخوذ ونطقه بالعربي مربك
- هوية مصممة للمستثمر مو للمستخدم
- ألوان ما تنجح في اختبار التباين داخل التطبيق
- شعار ما يشتغل كأيقونة مربعة
- العربي مترجم من الإنجليزي، فيبان التطبيق أجنبي على جمهوره الأساسي
وش تجهز قبل ما تكلمنا؟
وصف المنتج بجملتين، مين المستخدم، ووين واصل (فكرة، نموذج أولي، منتج شغال). لو عندك اسم أو دومين ارسلهم، ولو فيه جولة استثمار أو إطلاق قريب قل لنا عشان نرتب الأولويات.
صفحات تهمك
- تسمية الشركات الناشئة
- تصميم تطبيقات الجوال UI/UX
- تصميم العرض التقديمي للمستثمرين
- تصميم صفحة هبوط للإطلاق
- تطوير تطبيقات الجوال
- كيف تبني علامة تجارية في السعودية
مساعد: هوية لمنتج رقمي تمتد إلى الواجهة والمحتوى
في مشروع مساعد، ربطنا الشعار والشخصية والألوان داخل نظام يظهر في واجهة المنتج والمنشورات. الصور تعرض الشعار، أوضاع الشخصية وقوالب المحتوى. وهي أمثلة لتصميم الهوية وتطبيقاتها؛ أما وظائف المنتج وتطويره فتُحدد في نطاق تقني مستقل.
مقارنة صريحة
استوديو، فريلانسر، ولا وكالة كبيرة؟
مثال من شغلنا
كيف اشتغلنا على هوية BARU
BARU منصة سعودية للمشاركة بين الناس، تخليهم يستعيرون ويعيرون الأغراض مثل العدد والأدوات. التحدي كان بناء ثقة بين طرفين ما يعرفون بعض، وتوضيح فكرة جديدة على السوق. اشتغلنا على التوجيه الفني والهوية البصرية كاملة من شعار ونظام ألوان وخطوط وعناصر، مع دليل هوية يساعد الفريق يطبقها بنفس الشكل في كل مكان.
المؤسس عبدالعزيز العقيل كتب رأيه في التجربة على صفحة المشروع. شوف مشروع BARU بالتفصيل.
وش تستلم مع هوية الشركة الناشئة
- الاسم بالعربي والإنجليزي إذا كنت لسه ما اخترت
- الشعار وأيقونة التطبيق والـ Favicon
- نظام ألوان مجرّب للتباين داخل الواجهات
- خطوط عربية وإنجليزية مقروءة بأحجام الشاشة
- قيم التصميم (ألوان وخطوط ومسافات) جاهزة لفريق التطوير
- حركة الشعار لشاشة البداية
- صور متجر التطبيقات وقالب العرض التقديمي
- دليل هوية وملفات المصدر
أظهر محي شغفًا والتزامًا كبيرين بالمشروع من البداية، وسلّم حلولًا عالية الجودة في وقتها. اهتمامه بالتفاصيل كان لافتًا، وأنصح به بشدة.
كيف نعمل
1. نفهم المنتج
وش يحل، لمين، ووش اللي يخليه مختلف عن البدائل.
2. الاسم والفكرة
نثبّت الاسم ونتأكد من الدومين والحسابات قبل أي تصميم.
3. الهوية على شاشة
نعرض الاتجاهات مطبقة على أيقونة وشاشات حقيقية من المنتج.
4. النظام والتسليم للفريق
نجهز القيم والمكونات بشكل يقدر يستخدمه المبرمج مباشرة.
5. الدعم
نبقى معك بعد التسليم لما تضيف شاشات أو ميزات جديدة.
لماذا استوديو محي حسن
- صممنا هويات منصات سعودية مثل BARU وMr Mandoob
- الهوية والواجهات والتطوير من فريق واحد
- تسليم سريع يمشي مع سرعة الشركات الناشئة
- دعم بعد التسليم لما يتطور المنتج
- عقد رسمي وفاتورة، وهذا يهم لو عندك مستثمرين
- ملفات المصدر والملكية الفكرية كاملة لك
أسئلة شائعة
هل أسوي الهوية قبل التطبيق ولا بعده؟
قبله أو معه. لو بديت التطبيق بدون هوية، المبرمج بيختار ألوان وخطوط مؤقتة وتبقى معك سنوات.
تقدرون تصممون الهوية والتطبيق مع بعض؟
نعم، نصمم الهوية وواجهات التطبيق ونطوّره أيضًا لو احتجت.
هل تساعدون في الاسم؟
نعم، ونتأكد إنه ينطق بسهولة بالعربي والإنجليزي وإن الدومين متاح قبل ما نعتمده.
وش الفرق بين هوية المنتج وهوية الشركة؟
في أغلب الشركات الناشئة هم نفس الشي. يصيرون مختلفين لما الشركة يصير عندها أكثر من منتج.
كم ياخذ تصميم هوية شركة ناشئة؟
التسليم عندنا سريع، ولو عندك إطلاق أو جولة استثمار قريبة نرتب الأولويات عليها. الجدول نحدده بالعقد.
وش أحتاج أجهز قبل ما أتواصل؟
وصف المنتج، المستخدم المستهدف، ووين واصل في التطوير.
كل خدماتنا
كل اللي نقدر نسويه لمشروعك
عندك إطلاق قريب؟
ارسل لنا على الواتساب وصف المنتج بجملتين ووين واصل، ونرتب معك وش تحتاج قبل الإطلاق.