تصميم علب العطور والبخور والعود في السعودية

ليش العلبة أهم في العطور من أي منتج ثاني؟

لأن العطر ما ينشاف. العميل يحكم على الرائحة من الاسم واللون ووزن العلبة في يده. وفي السعودية العطر والعود والبخور هدية أساسية، يعني العلبة بتنفتح قدام ناس ثانيين غير اللي اشترى. ومع البيع الإلكتروني، صارت صورة العلبة هي أول تجربة للعطر أصلًا.

العود والبخور غير العطر الفرنسي

فيه ميل عند كثير علامات تقلد شكل العطور الأوروبية: علبة بيضاء وخط لاتيني رفيع. هذا ممكن ينفع لبعض العطور، بس العود والبخور ودهن العود لها جمهور يعرف بالضبط وش يبي، ويبي يحس بالثقل والأصالة. ما يعني هذا زخارف تقليدية فوق بعض، يعني خامات دافية، حرف عربي قوي، وألوان ما تحاول تبان غربية.

رأيي: العلامات السعودية اللي تثق في هويتها المحلية وتقدمها بشكل معاصر هي اللي تبان مختلفة اليوم. التقليد صار هو العادي.

ماذا يشمل تصميم تغليف العطور؟

العلبة الخارجية هي الجزء الواضح، بس المشروع الكامل فيه أشياء ثانية: ملصق القارورة أو الطباعة المباشرة عليها، الغطاء أو اللمسة المعدنية، الحامل الداخلي اللي يثبت القارورة، علب المجموعات (عطر مع بخور أو مبخرة)، العينات الصغيرة، وكيس الحمل. لو تصممت كلها مع بعض، المحل والمتجر يبانون علامة وحدة.

كيف تميّز بين الروائح في نفس المجموعة؟

عندك خيارين رئيسيين. يا كل رائحة لها لون مختلف على نفس العلبة، يا العلبة وحدة والفرق في الاسم وتفصيل صغير. الأول أسهل للعميل على الرف، والثاني أفخم وأسهل في المطبعة. لو عندك روائح قليلة وتبيع في محل فيه موظف يشرح، الثاني يمشي. لو روائح كثيرة وبيع إلكتروني، الأول أضمن.

التشطيبات والطباعة المحلية

الطباعة البارزة، الرقائق الذهبية والفضية، الورنيش الموضعي، المغناطيس في الغطاء. كلها حلوة، وكلها تزيد التكلفة. نصيحتي: تشطيب واحد واضح أقوى من ثلاثة متزاحمة. ونصمم الملفات بطريقة تفهمها المطبعة مباشرة، كل تشطيب في طبقة مستقلة، عشان ما تضيع أسبوع في سؤال وجواب.

العربي والإنجليزي على علبة صغيرة

علبة العطر مساحتها ضيقة، ولازم ينحط فيها الاسم باللغتين والحجم والمكونات وبيانات الشركة. هنا يبان الفرق بين مصمم يصمم اللغتين مع بعض ومصمم يحط الترجمة بعدين في أي مكان فاضي.

وش تجهز قبل لا تكلمنا؟

أسماء الروائح ووصف بسيط لكل وحدة، مقاسات القارورات أو صورها، الهوية لو موجودة، وهل تبيع من محل ولا أونلاين ولا الاثنين.

صفحات تهمك

• تصميم التغليف في السعودية
• هوية علامات التجميل
• تصميم شعار بالخط العربي
• تصميم علب التمور والهدايا
• هوية متجر سلة وزد

أمثلة تغليف من فئات منتجات أخرى

الغلاف يعرض علب Meaw للشوكولاتة، وتعرض الصور الداخلية كيس Melcho للشوكولاتة، وورق ROOSTIC للأغذية وأكياس وسيد لمنتجات الحرير. هذه أعمال في التغليف وتطبيق الهوية، وليست مشاريع عطور. عند تصميم عبوة عطر، نراجع شكل الزجاجة والملصق والعلبة وتثبيت المنتج ومتطلبات الطباعة الخاصة بها.

شاهد دراسات حالة من مجالات أخرى