برمجة مواقع الشركات في السعودية

وش يعني برمجة موقع شركة فعليًا؟

ناس كثير يحسبون البرمجة هي آخر خطوة بعد التصميم وخلاص. الصحيح إنها المرحلة اللي يتحدد فيها هل الموقع بيكون سريع على جوال العميل، وهل بيفتح صح بالعربي من اليمين لليسار، وهل فريقك بيقدر يضيف خبر أو مشروع جديد بدون ما يرجع لأحد.

موقع الشركة الطبيعي فيه صفحة رئيسية، من نحن، الخدمات، الأعمال أو المشاريع، وصفحة تواصل فيها نموذج وزر واتساب. فوق هذا ممكن يكون فيه مدونة، أو صفحات وظائف، أو ملف تعريفي ينحمّل. كل جزء من هذي يحتاج يتبرمج بطريقة تخلي تحديثه سهل بعدين.

ليش أغلب مواقع الشركات تطلع ضعيفة؟

من اللي نشوفه عند العملاء اللي يجونا بعد تجربة سابقة، المشكلة نادرًا تكون في "البرمجة" نفسها. المشكلة إن كل جزء سواه شخص مختلف. واحد صمم الشعار، وواحد ثاني أخذ قالب جاهز وحط فيه الألوان على قد ما يقدر، وثالث ربط الدومين والإيميل ثم اختفى. النتيجة موقع ما يشبه الشركة، وصاحب المشروع ما يعرف مين يكلّم لما يتعطل شي.

أخطاء ثانية تتكرر:

• النسخة العربية مقلوبة نص نص، الأيقونات والأسهم بالاتجاه الغلط.
• صور ثقيلة تخلي الصفحة تتأخر على بيانات الجوال.
• لا يوجد لوحة تحكم، أو لوحة معقدة لدرجة إن ما أحد في الشركة يلمسها.
• نموذج التواصل يرسل لإيميل ما أحد يفتحه.

قالب جاهز أو موقع مبني لك؟

رأينا بصراحة: لو مشروعك صغير وتبي تتواجد بسرعة، القالب الجاهز مو عيب. بس لا تنتظر منه يميزك. القالب يشبه مئات المواقع غيرك، وكل ما حاولت تفصّله على هويتك صار أصعب.

الموقع المبني لك يبدأ من هويتك. الخطوط والألوان والصور وطريقة ترتيب المحتوى كلها تجي من نفس النظام اللي صممناه لعلامتك، فالزائر يحس إنه في نفس المكان سواء شاف إعلانك أو كرت الشركة أو الموقع. وهذا الفرق اللي يحسه العميل حتى لو ما قدر يشرحه.

العربي والإنجليزي: لا تترجم الموقع، صممه مرتين

جمهورك في السعودية غالبًا يقرأ بالعربي، بس فيه شريحة من الشركات والمستثمرين والمقيمين تتصفح بالإنجليزي. الخطأ الشائع إن الموقع يتصمم بالإنجليزي ثم "ينقلب" للعربي. احنا نصمم النسختين مع بعض: طول العناوين العربية، اتجاه الصفحة، الخط العربي المناسب للشاشة، وحتى مكان زر الواتساب. كل هذا يتحسب من البداية.

وش يخلي الموقع سريع على الجوال؟

أغلب زوار موقع شركتك بيجون من الجوال، من رابط في الواتساب أو من بحث سريع وهم في السيارة أو بين اجتماعين. لو الصفحة تأخرت، يرجعون ويضغطون على اللي بعدك. السرعة ما تجي من شي واحد. تجي من صور مضغوطة بحجمها الصح، وخطوط محملة بذكاء، وكود نظيف بدون إضافات ما لها داعي، واستضافة مناسبة. وهذي أشياء تنحسم وقت البرمجة، مو بعدها.

ونفس الشي للخط العربي. بعض الخطوط حلوة في التصميم بس ثقيلة جدًا على الموقع، أو تطلع باهتة على شاشات الجوال الصغيرة. نختار ونجرب الخط على أجهزة حقيقية قبل ما نعتمد.

لوحة التحكم: بسيطة لدرجة إن فريقك يستخدمها فعلًا

شفنا مواقع فيها لوحة تحكم قوية جدًا، بس محد في الشركة لمسها من يوم التسليم لأنها معقدة. هدفنا العكس. الموظف المسؤول عن التسويق أو الموارد البشرية لازم يقدر يضيف مشروع أو وظيفة أو خبر في دقايق، بدون ما يخاف إنه يخرب التصميم. عشان كذا نبني الحقول على قد الحاجة، ونسمّيها بالعربي، ونشرحها لفريقك في جلسة قصيرة بعد الإطلاق.

متى تحتاج تعيد بناء موقعك بدل ما ترقعه؟

لو موقعك الحالي ما يفتح زين على الجوال، أو ما يقدر أحد يعدّله، أو شكله ما عاد يشبه هويتك بعد ما تطورت، فالترقيع غالبًا يكلف أكثر من البناء من جديد. ولو المشكلة بس في المحتوى أو الصور، ممكن نحسنه بدون ما نهدم كل شي. نقولك رأينا بصراحة بعد ما نشوف الموقع.

وش يأثر على تكلفة ومدة برمجة الموقع؟

ما نحط أرقام هنا لأن كل موقع يختلف، بس هذي العوامل اللي تحرّك السعر والوقت:

• عدد الصفحات وأنواعها، وهل فيه قوالب تتكرر مثل صفحات المشاريع والأخبار.
• هل اللغتين مطلوبة من أول يوم.
• جاهزية المحتوى: النصوص والصور عندك ولا تحتاج نكتبها ونجهزها.
• الربط مع أنظمة ثانية مثل نظام حجوزات أو CRM.
• هل عندك هوية جاهزة ولا نبدأ منها.

تفاصيل أكثر في دليل وش يحدد تكلفة تصميم وبرمجة موقع.

وش تجهز قبل ما تكلمنا

ما تحتاج ملف كامل. يكفي رابط موقعك الحالي إن وجد، فكرة عن الصفحات اللي تبيها، ومواقع عجبتك سواء محلية أو عالمية. ولو ما عندك هوية للحين، قول لنا، لأن ترتيب الشغل يختلف.

صفحات تهمك

• تصميم مواقع الشركات في السعودية
• دومين وإيميل رسمي للشركات
• استضافة المواقع وإدارتها
• تصميم هوية بصرية في السعودية
• تصميم بروفايل شركة

كل شاشة لها مهمة واضحة

نرتب الصفحات حسب ما يحتاج العميل معرفته وما تريد منه فعله. هذه التصورات من عروض مشاريعنا توضح ثلاث حالات مختلفة: قراءة محتوى، تصفح منتجات وعرض مكونات منتج رقمي. ويمكنك أيضًا مشاهدة موقع BOOQ في المثال المنشور.

شاهد دراسات حالة من مجالات أخرى