تصميم تغليف القهوة المختصة في السعودية

المشكلة مو في الكيس، في النظام

أغلب المحامص تبدأ بكيس واحد حلو. بعدين يجي المحصول الثاني والثالث، ويصير كل كيس له لون وخط مختلف، ولين توصل للمحصول العاشر يصير الرف يشبه سوق. العميل ما يعرف وش الفرق بين الإثيوبي والكولومبي إلا لو قرّب وقرا.

عشان كذا إحنا ما نصمم كيس. نصمم نظام: جزء ثابت يحمل العلامة ويخليك تنعرف من بعيد، وجزء متغير لكل محصول فيه اللون أو الرسمة والمعلومات. وتضيف محصول جديد بتعديل الملصق، مو بمصمم جديد.

وش يكتب على كيس القهوة المختصة؟

المعلومات اللي يدور عليها عميل القهوة المختصة في السعودية صارت معروفة: البلد والمنطقة، المزرعة أو المنتج لو متوفر، طريقة المعالجة، الارتفاع، الإيحاءات (النوتات)، درجة التحميص، تاريخ التحميص، والوزن. المشكلة إن هالمعلومات كثيرة، ولو انحطت كلها بنفس الحجم ما أحد يقراها.

نرتبها بطبقات. اللي يقراه العميل من بعيد (اسم المحصول ولونه)، اللي يقراه وهو ماسك الكيس (النوتات والمعالجة)، واللي يرجع له بعدين (التاريخ والارتفاع ووصفة التحضير). وكل هذا بالعربي والإنجليزي، مصممين مع بعض.

أكياس جاهزة ولا طباعة كاملة؟

هذا أول سؤال لازم تجاوبه، لأنه يغيّر التصميم كله.

• كيس سادة جاهز مع ملصق مطبوع: أرخص وأمرن، وتقدر تطلب كميات صغيرة لكل محصول. نصيحتي لأغلب المحامص الجديدة.
• كيس مطبوع بالكامل: شكله أقوى على الرف، بس تحتاج كميات أكبر لكل تصميم وأي تغيير يكلف.
• مزيج: كيس مطبوع بهوية المحمصة، وملصق صغير للمحصول. هذا الحل اللي نقترحه كثير لأنه يجمع الاثنين.

وفيه تفاصيل فنية لازم تنحسب من أول: مكان الصمام، السحاب، القاعدة، ونوع الخامة (مطفي ولا لامع، كرافت ولا ألمنيوم). المطابع المحلية تختلف في قدراتها، فنصمم على المقاسات والقوالب (dielines) اللي تعطيك إياها المطبعة اللي بتتعامل معها.

غلطات نشوفها كثير

لون المحصول يتغير بين الشاشة والطباعة، خصوصًا على الكرافت. نختار ألوان تتحمل الفرق ونطلب بروفة قبل الكمية. والخط الرفيع جدًا على كيس فيه طيات يضيع. والملصق اللي ما فيه مكان واضح لتاريخ التحميص يخلي الموظف يكتب بالقلم فوق التصميم.

مو بس أكياس

المحمصة عندها غالبًا علب هدايا لرمضان والعيد، وأكواب للكافيه لو عندها كافيه، وكروت داخل الطلب لو تبيع أونلاين عن طريق سلة أو زد. لو خططنا لها من البداية، تطلع كلها عائلة وحدة.

وش تجهز قبل لا تكلمنا؟

شعارك وهويتك لو موجودة، قائمة المحاصيل الحالية، نوع الكيس اللي تستخدمه أو تفكر فيه، والمطبعة لو عندك وحدة. ولو ما عندك هوية للمحمصة أصلًا، نبدأ بها أول.

صفحات تهمك

• تصميم التغليف في السعودية
• هوية المطاعم والكافيهات
• هوية المنتجات الغذائية
• تصميم منيو مطعم وكافيه
• هوية متجر سلة وزد

أمثلة من التغليف الغذائي، وكيف نستفيد منها للقهوة

الأعمال المعروضة هنا تخص Melcho وMeaw للشوكولاتة وROOSTIC للأغذية، وليست أكياس بن أو مشروعات قهوة منفذة. توضح كيف تتصل الهوية بالعبوة والمحتوى. أما تصميم كيس القهوة فيتطلب توزيع اسم المحصول والوزن وبيانات التحميص، مع مراعاة الخامة والإغلاق وقالب المورد.

شاهد دراسات حالة من مجالات أخرى