تصميم دليل الهوية البصرية في السعودية

ليش أصلًا تحتاج دليل هوية؟

تخيل إنك صرفت على هوية مرتبة، وبعد كم شهر تفتح حسابك في إنستقرام وتلقى الشعار مضغوط، واللون الأخضر صار أخضر ثاني، والخط العربي متغير من بوست لبوست. محد غلط عن قصد. بس محد قال لهم وش الصح.

هذا بالضبط شغل الدليل. هو اللي يجاوب على سؤال "كيف أستخدم الهوية؟" بدونك. مصمم السوشال، المطبعة، الموظف الجديد في التسويق، الشركة اللي بتسوي لوحات الفرع الجديد. كلهم يرجعون له بدل ما يرجعون لك.

وش يحتوي دليل الهوية البصرية؟

يختلف حسب حجم العلامة، بس الأساسيات ثابتة:

• الشعار ونسخه، والمساحة الفارغة حوله، وأصغر حجم يطبع فيه
• الاستخدامات الممنوعة: لا تمطه، لا تغير لونه، لا تحطه على خلفية مزحومة
• الألوان بأكواد الطباعة والشاشة، ونسبة حضور كل لون
• الخطوط العربية والإنجليزية وأحجام العناوين والنصوص
• أسلوب الصور والرسومات والأيقونات
• أمثلة تطبيقية: كرت، ورق رسمي، بوست، لوحة، كيس

ولو تبي تفصيل أكثر، كتبنا صفحة كاملة عن محتويات دليل الهوية.

الدليل الطويل مو بالضرورة أحسن

شفنا أدلة سميكة محد فتحها بعد يوم التسليم. الدليل اللي ينفع هو اللي يفتحه مصمم مستعجل ويلقى جوابه بسرعة. عشان كذا نبدأ بالأشياء اللي فريقك يحتاجها كل يوم، ونأجل التفاصيل اللي ما بتستخدمها إلا نادرًا.

ورأينا الصريح: لو أنت مشروع صغير وفريقك شخصين، ما تحتاج كتاب. تحتاج صفحات قليلة واضحة ومعها ملفات جاهزة، مثل قوالب السوشال وملفات الشعار مرتبة في مجلدات. كبّر الدليل مع كبر الفريق.

العربي في الدليل له قواعده

أغلب الأدلة اللي توصلنا من شركات تبي تحدّث هويتها تكون مكتوبة للإنجليزي، والعربي مجرد سطر "استخدم خط كذا". والنتيجة إن كل مصمم يحل مشاكل العربي على كيفه: محاذاة النص، شكل الأرقام، كيف يتوازن الشعار العربي جنب الإنجليزي في نفس اللوحة، وكيف تنقلب التصاميم من اليمين لليسار. نحن نكتب هذي القواعد صراحة، لأنها بالضبط اللي يخرب الهوية في السوق السعودي.

عندك هوية بدون دليل؟

هذا وضع شائع. تقدر تجينا بالملفات اللي عندك، ونرتبها ونطلع منها دليل. أحيانًا نكتشف إن الهوية فيها ثغرات، مثلًا ما فيه نسخة للشعار تنفع على خلفية غامقة، فنقترح نسدها. وأحيانًا نكتشف إن الهوية نفسها تحتاج إعادة بناء، وبنقول لك هذا بصراحة بدل ما نوثق شي ما يمشي.

وش يأثر على تكلفة الدليل ووقته؟

عدد التطبيقات اللي تبي توثيقها، هل الهوية جاهزة ولا نصممها من الصفر، هل تبي الدليل مطبوع ولا رقمي بس، وهل تحتاج قوالب جاهزة معه للسوشال والعروض والمستندات. الدليل لهوية موجودة غالبًا أسرع، بس يعتمد على حالة الملفات اللي عندك. ملفات مرتبة ومفتوحة تختصر علينا وعليك كثير.

صفحات تهمك

• وش يحتوي دليل الهوية
• تصميم الهوية البصرية في السعودية
• الخطوط والتايبوجرافي
• نظام الألوان للعلامة
• تصميم السوشال ميديا

دليل يمكن للفريق الرجوع إليه أثناء الشغل

دليل الهوية يحتاج إلى أمثلة تساعد على الاستخدام، وليس مجرد قائمة أكواد. الصور هنا من أدلة مشاريعنا: نظام الألوان، استخدام الشخصية والعناصر التي يبني منها الفريق التصميمات.

شاهد دراسات حالة من مجالات أخرى