تصميم منيو مطعم وكافيه في السعودية

ليش المنيو يستاهل تصميم خاص؟

أغلب المطاعم في البداية تفتح بمنيو مسوي على عجلة. ملف وورد أو قالب من الإنترنت، فيه كل شي بنفس الحجم ونفس الوزن. النتيجة إن العميل يضيع، ويرجع للصنف اللي يعرفه، والأصناف اللي تعبت عليها أو اللي ربحها أعلى ما أحد ينتبه لها.

المنيو الزين يسوي ثلاث أشياء: يخلي العميل يلقى اللي يبيه بسرعة، يوجه نظره للأصناف اللي تبيها تنباع، ويحس إنه جزء من المكان نفسه مو ورقة مستقلة.

كيف تختار شكل المنيو المناسب لمكانك

الكافيه المختص غير مطعم العائلات، وغير مطعم الوجبات السريعة.

لو أنت كافيه مختص بأصناف قليلة، صفحة وحدة أو بطاقة على الطاولة تكفي، والأهم إن أسماء المحاصيل وطرق التحضير تكون واضحة وما تخوف العميل الجديد. لو مطعم عائلي بأصناف كثيرة، تحتاج تقسيم ذكي وأيقونات للحار والنباتي، وغالبًا صور لأصناف معينة بس، مو لكل صنف. ولو عندك طلب من الكاونتر، لوحة المنيو فوق الكاشير أهم من المنيو الورقي، ولازم تنقرأ من بعيد في ثواني.

نصيحتي: لا تحط صور لكل الأصناف. اختار ثلاثة أو أربعة أصناف تبي تبرزها، وخلها هي اللي فيها صور.

العربي والإنجليزي في نفس الصفحة

هنا تطيح أغلب المنيوهات. العربي من اليمين والإنجليزي من اليسار، والأسعار في النص، والعين ما تعرف وين تروح. إحنا نحل هالشي من البداية: نقرر هل المنيو بلغتين في نفس العمود، ولا كل لغة في جهة، ولا نسختين منفصلتين. يعتمد على جمهورك. مطعم في حي سكني بالرياض غير مطعم في فندق يستقبل سياح موسم الرياض.

غلطات شائعة في المنيو

• خط صغير وإضاءة المكان خافتة، فالعميل يطلع جواله يكبّر الصورة.
• رمز العملة والأسعار بتنسيقات مختلفة في كل قسم.
• منيو QR عبارة عن PDF ثقيل ينفتح بصعوبة على الجوال.
• تصميم ما يقبل التعديل، فأول ما يتغير سعر تحتاج مصمم من جديد.

الأخيرة مهمة. نسلمك الملفات بطريقة تقدر تعدل فيها السعر أو تشيل صنف بدون ما تخرب التصميم.

وش يأثر على الوقت والتكلفة؟

عدد الأصناف والأقسام، هل تحتاج تصوير أو تجهيز صور، كم نسخة تبي (ورقي، طاولة، لوحة كاشير، شاشة رقمية، نسخة QR)، وهل عندك هوية جاهزة ولا نبنيها مع المنيو. لو ما عندك هوية، نصيحتي تبدأ بها أول، لأن المنيو بدون هوية يصير قرار تصميم لحاله ويتغير بعد شهرين.

قبل رمضان والأعياد

كثير مطاعم تبي منيو خاص لرمضان أو للسحور أو لبوكسات العيد. لو هذا واردك، قول لنا من البداية عشان نصمم النظام بحيث يتحمل نسخ موسمية بدون ما نبدأ من الصفر كل سنة.

وش تجهز قبل لا تكلمنا؟

قائمة الأصناف كاملة بالأسعار في ملف واحد، الهوية لو موجودة، صور للمكان من الداخل عشان نشوف الإضاءة والطاولات، ووش الأصناف اللي تبيها تنباع أكثر.

صفحات تهمك

• هوية المطاعم والكافيهات
• تصميم المطبوعات
• تصميم لوحات وواجهات المحلات
• تصميم تغليف القهوة المختصة
• تصميم السوشال ميديا
• تكلفة الهوية التجارية في السعودية

أمثلة قريبة من عالم العلامات الغذائية

الصور التالية تعرض علب شوكولاتة Meaw، وورق تغليف ROOSTIC ومحتوى منتجات Melcho؛ ولا تعرض منيو مطعم. نستخدمها لتوضيح اتساق هوية النشاط الغذائي بين المنتج والمحتوى. تصميم المنيو نفسه يبدأ بتصنيف الأقسام وأسماء الأصناف والوصف والأسعار، ثم ترتيبها على المقاس الورقي أو الشاشة.

شاهد دراسات حالة من مجالات أخرى