تصميم شعار في السعودية

الشعار الزين وش يميزه؟

الشعار الزين غالبًا بسيط لدرجة إنك تقدر ترسمه بإصبعك على الطاولة. مو لأن البساطة موضة، لكن لأن الشعار بيصغر لين يصير أيقونة في الجوال، وبيكبر لين يصير لوحة على واجهة محل في شارع رئيسي. أي تفصيل زايد يضيع في الحالتين.

الشي الثاني إن يكون له فكرة. مو لازم فكرة عبقرية، بس سبب واضح ليش الشكل كذا. لما يكون فيه سبب، يصير أسهل تدافع عنه قدام شريكك أو مستثمر، وأسهل نبني عليه باقي الهوية.

شعار عربي، إنجليزي، ولا الاثنين؟

في السعودية الجواب غالبًا الاثنين. عميلك يقرأ بالعربي، ومتاجر التطبيقات وبعض المنصات تفرض عليك اسم إنجليزي. المشكلة إن أغلب الناس يصممون الإنجليزي ويخلون العربي آخر شي، فيطلع العربي بخط جاهز ما يشبه شي.

نصيحتنا: اختار لغة رئيسية حسب جمهورك، وخل الثانية تتصمم معها في نفس الوقت بنفس الوزن والإحساس. لو مشروعك محلي جدًا، مثل مطعم شعبي أو محل تمور، ممكن العربي يكون البطل. لو تطبيق تقني يستهدف الخليج كله، يمكن الإنجليزي. ولو تبي شي أعمق، فيه خيار الشعار بالخط العربي.

كم نسخة من الشعار تحتاج؟

أقل شي: نسخة رئيسية، نسخة أفقية للهيدر والفواتير، أيقونة مربعة للسوشال والتطبيق، ونسخة بلون واحد للطباعة الرخيصة والختم والحفر. بدون هذي النسخ، أول مطبعة تتعامل معها بتجتهد من عندها، وغالبًا ما بيعجبك اجتهادها.

ليش ما ننصحك بالشعارات السريعة والقوالب الجاهزة؟

لأنك بتستلم شكل، مو قرار. اللي يصمم لك بسرعة وبدون ما يسأل عن نشاطك وعميلك، قاعد يرسم لنفسه. وكثير من هالشعارات طالعة من قوالب، فممكن تلقى نفس الأيقونة عند مشروع ثاني. ولو بتسجل علامتك التجارية بعدين، هذي مشكلة حقيقية.

ما نقول إن كل مصمم مستقل سيء، فيه مستقلين ممتازين. بس تأكد إنه يسألك أسئلة قبل ما يرسم، وإنه يسلمك ملفات مفتوحة.

وش يأثر على تكلفة تصميم الشعار ووقته؟

عدد الاتجاهات اللي تبي تشوفها، هل الشعار بلغتين ولا لغة وحدة، هل فيه رسم يدوي أو خط عربي مخصص، وهل تبي الشعار بروحه ولا معه نظام هوية كامل. وأكبر عامل في الوقت هو وضوح القرار عندك. لو أكثر من شريك لازم يوافق، اجمعهم من أول اجتماع ولا تخلي واحد منهم يشوف الشغل لأول مرة في المرحلة الأخيرة.

وش يصير بعد ما تستلم الشعار؟

تستلم الملفات المفتوحة وتصير ملكك. ولو بعد فترة جاتك مطبعة تطلب صيغة معينة، أو تبي تجهز ختم أو لوحة، كلمنا. الدعم بعد التسليم جزء من الاتفاق، مو خدمة إضافية نتفاوض عليها.

قبل ما ترسل لنا

جهز اسم المشروع بالعربي والإنجليزي لو قررته، وش تبيع ولمين، وثلاث شعارات تعجبك وثلاث ما تعجبك. القائمة الثانية أحيانًا تفيدنا أكثر من الأولى.

صفحات تهمك

• تصميم الهوية البصرية في السعودية
• شعار بالخط العربي
• تسمية العلامة التجارية
• الفرق بين الشعار والهوية البصرية
• تحريك الشعار والموشن جرافيك

شعار واضح، واستخدامات تقدر تحكم عليه من خلالها

الشعار لا يُقيّم على خلفية بيضاء فقط. نراجعه مع الاسم العربي والإنجليزي، وعلى الواجهة والعبوة والشاشة. هذه الأمثلة تعرض حلولًا مختلفة من مشاريعنا.

شاهد دراسات حالة من مجالات أخرى