تصميم عرض تقديمي للمستثمرين (Pitch Deck) في السعودية

العرض التقديمي مو تصميم، هو ترتيب تفكير

أغلب المؤسسين يجوننا وعندهم عرض فيه أربعين شريحة، نص كثير، وفكرة زينة مدفونة في النص. المشكلة مو إن العرض مو حلو، المشكلة إن المستثمر ما يعرف وش اللي لازم يفهمه أول. فشغلنا يبدأ قبل التصميم: نقرا المحتوى، نقترح ترتيب أوضح، ونشيل اللي يشتت. بعدين نصمم.

وهنا لازم نكون واضحين: إحنا مو مستشارين ماليين ولا نكتب لك خطة عمل. الأرقام والمعلومات منك، ودورنا إننا نخليها تنفهم وتنقنع.

وش الشرائح اللي يتوقعها المستثمر؟

فيه تسلسل صار معروف عند أغلب المستثمرين والمسرّعات، والأفضل ما تخرج عنه كثير: المشكلة، الحل، ليش الحين، حجم السوق، المنتج، نموذج الربح، المنافسين، الإنجازات للحين، الفريق، والمبلغ المطلوب ووين بيروح. المستثمر اللي شاف مئات العروض يدور هالأشياء بهالترتيب تقريبًا، ولو تأخرت يتضايق.

نصيحتي: كل شريحة فيها فكرة وحدة. لو احتجت تشرح شريحة بكلام كثير، فهي غالبًا شريحتين مدموجة.

عرض للإرسال وعرض للمقابلة

هذا فرق مهم كثير أحد يفوته. العرض اللي ترسله بالإيميل لازم يفهم بدونك، فيه نص أكثر شوي. والعرض اللي تقدمه وأنت واقف لازم يكون أخف، لأن الشرح منك. غالبًا نصمم النسختين من نفس المحتوى، واحدة مفصلة ووحدة مختصرة.

بالعربي ولا بالإنجليزي؟

يعتمد على مين قدامك. صناديق كثير في السعودية تشتغل بالإنجليزي، وبعض الجهات والمستثمرين الأفراد يفضلون العربي. الحل اللي ننصح فيه هو نسختين مصممتين مع بعض، مو ترجمة نص فقط. لأن العربي يقلب اتجاه الشريحة كلها، من الرسوم البيانية لترتيب الصور.

الأرقام لازم تنشاف بسرعة

جدول إكسل ملصوق في شريحة هو أسرع طريقة تخسر فيها انتباه المستثمر. نحول أرقامك لرسوم بيانية بسيطة تبرز الرقم المهم وتخفي الباقي في الملحق. ونتأكد إن نفس الرقم ما يطلع بشكلين مختلفين في شريحتين، لأن المستثمر يلاحظ.

الهوية قبل العرض

لو شركتك لسه ما عندها هوية واضحة، العرض بيطلع شكله مؤقت مهما ضبطناه. ما نقول لازم هوية كاملة قبل أول جولة، بس شعار وألوان وخطوط محددة تفرق كثير في الانطباع الأول. ونقدر نشتغل عليهم مع بعض.

وش تجهز قبل لا تكلمنا؟

العرض الحالي حتى لو كان مسودة، الأرقام اللي تبي تعرضها، الهوية لو موجودة، ومين الجمهور: صندوق، مسرّعة، أو مستثمر فرد. وموعد العرض لو محدد، عشان نخطط عليه.

صفحات تهمك

• تصميم بروفايل الشركة
• هوية الشركات الناشئة وSaaS
• تموضع العلامة التجارية
• تصميم كتالوج وبروشور
• كيف تبني علامة تجارية في السعودية

مثال في ترتيب المعلومات: بروفايل Konsult

الصور التالية من الهوية والبروفايل التعريفي لشركة Konsult، وليست عرضًا استثماريًا. توضح ترتيب معلومات الشركة والخدمات واستخدام الرسوم داخل الملف. العرض الاستثماري له قصة مختلفة: المشكلة والحل والسوق ونموذج العمل والأرقام التي يوفرها فريقك، ثم نرتبها حسب طريقة تقديم العرض.

شاهد دراسات حالة من مجالات أخرى